സ്റ്റാറാണ് മുട്ട;ഇന്ന് ലോക മുട്ട ദിനം

1996 മുതലാണ് ലോകത്ത് മുട്ട ദിനം ആചരിച്ച് തുടങ്ങിയത്. രാജ്യാന്തര എഗ് കമ്മീഷൻ ഒക്ടോബർ മാസത്തിലെ രണ്ടാമത്തെ വെള്ളിയാഴ്ചയാണ് മുട്ട ദിനമായി ആചരിക്കുന്നത്. പോഷകഗുണങ്ങൾ ധാരാളമായി അടങ്ങിയ, കുറഞ്ഞ ചിലവിൽ ലഭ്യമാകുന്ന ഒരു വിഭവമാണ് മുട്ട. അതുകൊണ്ടുതന്നെ മുട്ട ഭക്ഷണ പ്രേമികൾക്ക് പ്രിയപ്പെട്ടതാണ്. കാടമുട്ട, താറാവ് മുട്ട, കോഴിമുട്ട എന്നിവയാണ് പ്രധാനമായും ഉപയോഗിച്ച് വരുന്ന മുട്ടകൾ. ഇതിൽ കൂടുതൽ ആളുകളും ഉപയോഗിക്കുന്നത് കോഴിമുട്ടയാണ്.

ദിവസവും ഓരോ മുട്ട വീതം കഴിച്ചാൽ പക്ഷപാതം, വിളർച്ച പോലുള്ള അസുഖങ്ങൾ തടയാൻ സാധിക്കും. അയൺ, പ്രോട്ടീൻ എന്നിവയുടെ കലവറയാണ് മുട്ട. രാവിലത്തെ ഭക്ഷണത്തിനൊപ്പം മുട്ട ഉള്‍പ്പെടുത്തുന്നത് ശരീരഭാരം കുറയ്ക്കുവാനും ശരീരത്തിന് ആവശ്യമായ ഊര്‍ജം നല്‍കുവാനും സഹായിക്കും.

തലച്ചോറിന്റെ ആരോഗ്യത്തിനും ഏറെ നല്ലതാണ് മുട്ട. ഗര്‍ഭിണികള്‍ മുട്ട കഴിക്കുന്നത്‌ വഴി അവരുടെ കുഞ്ഞിന്റെ ആരോഗ്യം വര്‍ധിക്കും. ദിവസവും മുട്ട കഴിക്കുന്നത് കാഴ്ച വര്‍ദ്ധിക്കാന്‍ സഹായിക്കുന്നു. ആരോഗ്യത്തിനും സൗന്ദ്യര്യത്തിനും ഒരുപോലെ ഗുണം ചെയ്യുന്ന മുട്ട മുടിയ്ക്കും ഏറ്റവും ബെസ്റ്റാണ്. ഇങ്ങനെ എണ്ണിയാൽ അവസാനിക്കില്ല മുട്ടയിലെ ഗുണങ്ങൾ.

എന്നാൽ പ്രമേഹ രോഗമുള്ളവർ മുട്ട കഴിക്കാമോയെന്ന് പലരും സംശയിക്കാറുണ്ട്. രക്തത്തിലെ പഞ്ചസാരയുടെ അളവ് കുറയ്ക്കാനും പ്രമേഹത്തെ തടുക്കാനും ഏറ്റവും മികച്ച ഭക്ഷണമാണ് മുട്ട എന്നാണ് പഠനങ്ങൾ തെളിയിക്കുന്നത്. പ്രമേഹമുള്ളവർ ബ്രേക്ക്ഫാസ്റ്റിൽ മുട്ട ഉൾപ്പെടുത്താൻ ശ്രമിക്കണം.

Read Also  മുഖക്കുരുവിന്റെ കറുത്തപാടുകൾ മായാൻ പ്രകൃതിദത്ത മാർഗങ്ങൾ