ഐപിഎല്‍ ചരിത്രത്തിലെ ഏറ്റവും വേഗതയേറിയ പന്ത് ; തകര്‍ത്തത് ഡേല്‍ സ്റ്റീനിന്റെ റെക്കോര്‍ഡ്

ഇന്ത്യന്‍ പ്രീമിയര്‍ ലീഗിന്റെ ചരിത്രത്തിലെ ഏറ്റവും വേഗതയേറിയ പന്ത് ഇനി ഡല്‍ഹി ക്യാപിറ്റല്‍സ് ഫാസ്റ്റ് ബൗളര്‍ അന്റിക് നോര്‍ട്ട്‌ജെയുടെ പേരില്‍. 156.22 കിലോമീറ്റര്‍ വേഗതയില്‍ ആണ് താരം പന്തെറിഞ്ഞത്. കഴിഞ്ഞ ദിവസം നടന്ന രാജസ്ഥാന്‍ റോയല്‍സിനെതിരായ ഏറ്റുമുട്ടലില്‍ ദക്ഷിണാഫ്രിക്കന്‍ പേസര്‍ യഥാക്രമം 155.21 കിലോമീറ്റര്‍ 154.74 കിലോമീറ്റര്‍ വേഗതയിലാണ് പന്തെറിഞ്ഞത്.

154.40 കിലോമീറ്റര്‍ വേഗതയില്‍ ഏറ്റവും വേഗമേറിയ പന്ത് എറിഞ്ഞ ദക്ഷിണാഫ്രിക്കന്‍ സ്പീഡ്സ്റ്റര്‍ ഡേല്‍ സ്റ്റെയ്‌നാണ് ഈ റെക്കോര്‍ഡ് മുമ്പ് കൈവശം വച്ചിരുന്നത്. 156.22 കിലോമീറ്റര്‍ വേഗതയില്‍ പന്ത് എറിഞ്ഞ നോര്‍ത്ത്‌ജെ അടുത്ത പന്തില്‍ തന്നെ ആര്‍ആര്‍ ഓപ്പണര്‍ ജോസ് ബട്ലറെ പുറത്താക്കി.

ഐപിഎല്‍ ചരിത്രത്തിലെ ഏറ്റവും വേഗതയേറിയ ഡെലിവറികള്‍:

അന്റിക് നോര്‍ത്ത്‌ജെ 156.2
അന്റിക് നോര്‍ത്ത്‌ജെ 155.2
അന്റിക് നോര്‍ത്ത്‌ജെ 154.7
ഡേല്‍ സ്റ്റെയ്ന്‍ 154.4
കഗിസോ റബാഡ 154.2

 

ഐപിഎല്‍ 2020 ല്‍ ഡല്‍ഹി ക്യാപിറ്റല്‍സിനായി ഇതുവരെ എട്ട് കളികളും കളിച്ച നോര്‍ത്ത്‌ജെ, ഈ സീസണില്‍ 10 വിക്കറ്റുകളുമായി പര്‍പ്പിള്‍ ക്യാപ്പിനായുള്ള മല്‍സരത്തില്‍ ഒന്നാം സ്ഥാനത്തുള്ള റബഡയ്ക്ക് പിന്നിലാണ്. ഈ വര്‍ഷത്തെ ഏറ്റവും മികച്ച വിക്കറ്റ് നേട്ടക്കാരില്‍ ഒരാളാണ് നോര്‍ത്ത്‌ജെ. ഈ സീസണില്‍ ഏറ്റവും കൂടുതല്‍ വിക്കറ്റ് നേടിയവരുടെ പട്ടികയില്‍ നോര്‍ത്ത്‌ജെ പത്താം സ്ഥാനത്താണ്.

Read Also  ഒഴുകിനടക്കുന്ന ഒരു സുന്ദര ദ്വീപ്